好開心9月29日朱朱終向我求婚啦...

有Agnes b.既花(係朱朱同我拍左十一年拖第一次送既花呀)...再加上一隻卡地亞錶呀...

整個過程都好感動...佢真係有安排到有諗住點樣求婚架...

我原先仲以為佢都係諗住得過扯過添...

因為我地既婚禮搞得都七七八八了.

http://www.7-cm.com/mydiary3/viewdiary.php?user=joyce

好開心呀, 朱朱屋企終於裝修好啦, 今日朱朱唔駛返工,

就可以搬返晒d傢俬返屋企添. 都有成差不多一個月冇去到朱朱度了,

話咁快就裝修好...時間真係過得好快...

好心急好想快些到10月9日可以影婚紗相...希望到時再可以廋一點點啦.

又希望影得我塊面唔好咁肥啦,

又希望我冇揀錯婚紗啦.

今日做完甲後就去左捏脂啦,

差不多7.30到荃灣好彩同朱朱公司伙計做節.

朱朱屋企車完地板啦, 我相信好快就可以搬返d傢俬返去啦.

好野...好似好耐冇去朱朱屋企咁呀...都成三個星期啦.

希望之前訂左房既傢俬快些可以送來啦...應該都要再等三個星期添呀.

其實時間真係過得好快,

今年年頭就係book左下年4月酒樓結婚, 話咁快就九月中了,

下個月9號影婚紗相, 而家都好緊張呀,

因為怕到時影得我塊面好肥, 所以我而家真係比左心機去減肥架,

希望到時有效啦.

我又新添了兩張相呀, 係9月12日我同貞貞molly一齊預祝我生日時影低架.

d 相開始真係越來越迫添...

朱朱屋企牆紙整好晒了, 就開始會車地板...希望好快完工就好了.

尋晚去左joey油塘屋企過一晚, 佢又聽到我發開口夢,

哈哈...不過佢話聽唔清楚我係講左d 咩.

今日大概下午1.30大家都齊集到又一城附近等, 有朱朱, 靜怡, 契家姐joyce, joey 同我,

下午2.00到了九龍塘夢羅麗紗試婚紗...攝影既婚紗黎既.

都試左好多套, 最後都揀左兩件婚紗同一件晚裝...

不過三件都無一件係白色既婚紗, 到confirm後先發覺好似缺少左d野咁.

一件係好宮庭(似香檳色)......

一件係好 elegant 既(似象牙色)......

一件係晚裝(粉紅色)........

不過試咁耐, 朱朱都無話我穿得靚既...

而家係晚上11.20, 同緊朱朱講電話, 佢開始勸我要積極減肥, 唔好食零食.

佢話一生人一次喎, 仲話我可能會舖佢個伙計老婆後塵（生完ｂｂ後好肥）

其實我唔係唔想廋架, 唔...而家我都唔係好有把握可以減到.

點算好呢???

朱朱話我若果今次影相之前唔積極減肥的話, 怕影出來既相, 我會見到自己肥會後悔....後悔莫及.

其實我都明架...你估我唔想去減咩, 話就話我好似本著放棄狀態,

一直我都擔心, 朱朱而家盡力去減, 盡力去為呢次既日子去減.